“Bakıda BMT-nin Mərkəzi Asiya Ölkələrinin İqtisadiyyatları üçün Xüsusi Proqramının – SPECA-nın iştirakçı ölkələrinin dövlət və hökumət başçılarının Zirvə görüşünün keçirilməsi və ölkəmizin ona təkcə ev sahibliyi yox, həm də sədrlik etməsi qlobal geosiyasi dəyişikliklər, o cümlədən son vaxtlarda bölgədə baş verən proseslər fonunda çox mühüm əhəmiyyət kəsb edir.
Birincisi, Zirvə görüşünün keçirilməsi bir daha Azərbaycanın Şərqlə Qərb arasında mühüm qapı rolu oynaması;
İkincisi, Azərbaycanın Cənubi Qafqazda, o cümlədən digər regionlarla daha etibarlı və sıx əməkdaşlıq münasibətlərinin yaradılması baxımından necə əhəmiyyət kəsb edən ölkə olması;
Üçüncüsü, Azərbaycanın Avrasiya və Afrika üçün necə əhəmiyyətli bir logistik qovşağın, həmçinin bu istiqamətdə ciddi səy göstərən ölkə olması baxımından mühüm əhəmiyyət kəsb edən olkə olması;
Dördüncüsü, Azərbaycan dünyada hansı nüfuza və necə əhəmiyyətli rola malik olmasını beynəlxalq aləmə nümayiş etdirmiş oldu”.
Bunu Ölkə.Az-a açıqlamasında deputat Şahin İsmayılov deyib.
Onun sözlərinə görə, Azərbaycanən SPECA-ya sədrliyi ölkəmizin Avrasiya coğrafiyasdındakı ciddi aktorluq rolundan xəbər verir. “Çünki BMT-nin Mərkəzi Asiya Ölkələrinin İqtisadiyyatları üçün Xüsusi Proqramının (SPECA) yaranmasından 25-ci il keçsə də, SPECA-ya üzv dövlətlərin Zirvə görüşü ilk dəfədir ki, keçirilir, özü də Bakıda. Bu Azərbaycanın beynəlxalq aləmdəki nüfuzunun, həmçinin üzv dövlətlərlə hərtərəfli əlaqələrin həm ən yüksək səviyyədə , həm də uğurla inkişaf etdiyinin göstəricisi kimi qiymətləndirilməlidir. Belə bir mötəbər toplantının Bakıda keçiirlməsi Mərkəzi Asiya ölkələrinin rəhbərləri tərəfindən dəstəkləndi və nəticədə nəinki üzv dövlətlərin liderləri, həmçinin digər ölkələrdən ən yüksək səviyyədə fərxri qonaqlar iştirak etdi”, – o qeyd edib.
Deputat əlavə edib ki, Azərbaycanın Mərkəzi Asiya ölkələri ilə münasibətləri yürüdülən xarici siyasətin əsas prioretetlərindən biridir: “Məhz bu məqsədyönlü siyasətin nəticəsidir ki, Azərbaycanla Mərkəzi Asiya ölkələri arasında həm ikitərəfli, həm çoxtərəli formatlarda çox sıx inteqrasiya olunmuş uğurlu əməkdaşlıq formatları qurulub və bu əməkdaşlıq hər ötən il getdikcə inkişaf etməkdədir. SPECA çərçivəsində əməkdaşlıq isə əlaqələrin hətərfəli qaydada inkişafına və dərinləşməsinə əlavə təkan verir.
Mərkəzi Asiya ilə əməkdaşlıq münasibətlərinin daha sıx şəkildə inkişaf etməsi Azərbaycanın dünyanın digər region ölkələri üçün daha cəlbedici ölkə roluna çevrilməsinə imkan yaradır. Bu da öz növbəsində Azərbaycanın baş verən geosiyasi proseslərdə daha ciddi aktor rolunda çıxış etməsinə geniş imkanlar yaradır. Bu da nəticə etibarı ilə Azərbaycanın daha güclü, qüdrətli dövlətə çevrilməsi, həm investisiya baxımından cəlbedici olması, həm də əhalinin sosial rifah halının, həm də bütövlükdə Cənubi Qafqazda dayanıqlı sülhün, sabitliyin və təhlükəsizliyin təmin olunması baxımından mühüm rol oynayır. Bütün bunlar təbii ki, cənab Prezident İlham Əliyevin yürütdüyü uzaqgörən, qətiyyətli, dünyada gedən qlobal çağrışlara uyğun olaraq yürütdüyü çevik siyasətin nəticəsidir. Məhz bu siyasətin nəticəsidir ki, Azərbaycan Avrasiya coğrafiyasında həm enerji, həm logistik bir qovşağa çevrilib. Yürüdülən uğurlu siyasətin nəticəsidir ki, Azərbaycan öz ərazi bütövlüyünü və suverenliiyni təmin edərək, yeni bir inkişaf mərhələsinə qədəm qoyub. Elə bir inkişaf mərəhələsinə ki, dünyanın aparıcı gücləri və dövlətləri Azərbaycanla əməkdaşlıq etmək məcburiyyətində qalırlar.
Təbii ki, Azərbaycanın belə bir uğuru onu istəməyənləri, düşmənləri, anti-Azərbaycan qüvvələri ciddi narahat edir. Onlar hər vasitə ilə Azərbaycanın uğurlarına kölgə salmaq, onu bu inkişafdan dayandırmaq, təsir altına alıb prosesləri özləri istədiyi kimi yürütmək üçün ən müxtəlif formalı təzyiq və təxribatçı metodlardan istifadə edirlər. Məqsəd cənab Prezidentin Azərbaycan dövləti və xalqının milli maraqlarına uyğun yürütdüyü müstəqil siyasətə mane olmaqdır. Amma bütün bu cəhdlər nəticəsiz olacaq. Azərbaycan Prezidentinin qətiyyəti, cəsarəti, uzaqgörənliyi və siyasi iradəsi, çevikliyi nəticəsində bütün bu maneələr aşılacaq. Azərbaycan öz uğurlu inkişaf yolunu davam etdirib dünyanın ən yaxşı inkişaf etmiş ölkələrindən birinə çevriləcək. Yürüdülən siyasət buna xidmət edir və qəti əminik ki, cənab Prezidentin liderliyi altında Azərbaycanın dünyanın ən nüfuzlu ölkələrindən biri olacaq”.